Masiya

Kutoka Wikipedia, kamusi elezo huru
Rukia: urambazaji, tafuta
Nabii Samueli akimpaka mafuta kijana Daudi kati ya kaka zake awe mfalme wa Israeli: mchoro huu wa karne ya 3 uko Dura Europos, Syria.
Mfululizo wa kurasa juu ya Yesu
Jesus

Masiya (au Masiha), kutoka Kiebrania מָשִׁיחַ, Māšîăḥ mashiakh, maana yake Mpakwamafuta ni jina la heshima ambalo Biblia inampa mfalme au kuhani aliyewekwa wakfu kwa Mungu kwa kupakwa mafuta atende kwa niaba yake kazi ya kusaidia taifa lake hasa kwa kulikomboa.[1]

Tofauti na kawaida, Biblia inamtaja kama Masiha hata mfalme Koreshi Mkuu wa Uajemi kwa sababu Mungu alimtumia kutoa Wayahudi katika uhamisho wa Babeli na kuwaruhusu warudi Yerusalemu na kujenga upya hekalu[2]

Hata hivyo kwa namna ya pekee jina hilo linatumika kwa Mwana wa Daudi, mtawala wa Israeli[3] katika wakati wa mwisho ambao utakuwa wa amani duniani[4]

Katika Ukristo[hariri | hariri chanzo]

Jina hilo lilitafsiriwa na Septuaginta kwa Kgiriki Χριστός (Khristós)[5] nalo lilitumiwa mapema na Wakristo kwa Yesu wa Nazareth kwa kusadiki ndiye mkombozi aliyetimiza kikamilifu kila utabiri wa manabii wa Agano la Kale. Ndiyo sababu jina lake la awali liliongezewa kwa kawaida hilo la Kristo, hivi kwamba imezoeleka kumuita Yesu Kristo.

Kutokana na umuhimu wa imani hiyo kwa wafuasi wa Yesu, wenyewe walianza kuitwa Wakristo huko Antiokia, mji wa kwanza kuwa na waumini wenye asili ya kimataifa na waliozungumza Kigiriki. Kumbe katika mazingira ya Kisemiti wanaendelea kuitwa kama awali Manasara, yaani Wanazarethi.

Katika Uislamu[hariri | hariri chanzo]

Hadithi za Uislamu pia zinafundisha kwamba nabii Isa, mwana wa Bikira Mariamu, alikuwa ametabiriwa kama Masih (المسيح) wa Waisraeli, na kwamba atarudi duniani siku ya Kiyama, pamoja na Mahdi, ili kumsinda Masih ad-Dajjal, yaani Mpingakristo.[6]

Tanbihi[hariri | hariri chanzo]

  1. Kut 30:22-25}}
  2. Jewish Encyclopedia: Cyrus: Cyrus and the Jews: "This prophet, Cyrus, through whom were to be redeemed His chosen people, whom He would glorify before all the world, was the promised Messiah, "the Shepherd of Yhwh" (xliv. 28, xlv. 1)."
  3. Megillah 17b-18a, Taanit 8b
  4. Sotah 9a
  5. Etymology Online
  6. Muttaqun OnLine - Dajjal (The Anti-Christ): According to Quran and Sunnah. Muttaqun.com. Iliwekwa mnamo 9 November 2012.

Marejeo[hariri | hariri chanzo]

  • Kaplan, Aryeh. From Messiah to Christ, 2004. New York: Orthodox Union.

Viungo vya nje[hariri | hariri chanzo]

Bible.malmesbury.arp.jpg Makala hii kuhusu mambo ya Biblia bado ni mbegu.
Je, unajua kitu kuhusu Masiya kama historia yake au athari wake?
Labda unaona habari katika Wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.