Kuwekuwe

Kuwekuwe
Kuwekuwe koo-jeupe
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Nusufaila: Vertebrata (Wanyama wenye uti wa mgongo) Ngeli: Aves (Ndege) Oda: Passeriformes (Ndege kama shomoro) Familia ya juu: Sylvioidea (Ndege kama kucha) Familia: Pycnonotidae (Ndege walio na mnasaba na shore) Jenasi: Nicator Hartlaub & Finsch, 1870 Spishi: N. chloris N. gularis N. vireo

Kuwekuwe ni ndege wadogo wa jenasi Nicator ambao wanatokea Afrika kusini kwa Sahara tu. Sikuhizi ndege hawa wanaainishwa katika familia Pycnonotidae lakini zamani wataalamu walifikiri kuwekuwe ni aina za mbwigu (Laniidae). Afadhali wapatiwe familia yao yenyewe. Ndege hawa wanafanana na korogoto na wana rangi ya zaituni juu na nyeupe au kijivu chini. Wanatofautiana na korogoto kwa madoa meupe au njano mbawani. Chakula chao ni kama kile cha mbwigu: wadudu wakubwa na mijusi midogo. Tago lao hujengwa mtini na jike huyataga mayai 2-3.

Spishi

• Nicator chloris, Kuwekuwe Kijani (Western Nicator)
• Nicator gularis, Kuwekuwe Koo-jeupe (Eastern Nicator)
• Nicator vireo, Kuwekuwe Koo-njano (Yellow-throated Nicator)

Picha

• 

  Kuwekuwe kijani