Kasanga (Ufipa)

Kutoka Wikipedia, kamusi elezo huru
Rukia: urambazaji, tafuta
Kasanga
Nchi Tanzania
Mkoa Rukwa
Wilaya Sumbawanga Vijijini
Kwa matumizi mengine ya jina hili angalia hapa

Kasanga ni kijiji ambacho kipo kwenye mpango wa kupandishwa hadhi ya kuwa mji mdogo mji mdogo upande wa Kusini-Magharibi wa Tanzania mwambaoni kwa Ziwa Tanganyika. Ni makao makuu kata ya ambayo pia inaitwa Kasanga wilaya ya Kalambo, Mkoa wa Rukwa Kata ya kasanga kwa mujibu wa sensa ya watu na makazi ya mwaka 2012 inajumla ya watu 18,527 ikiwa na vijiji saba ambavyo ni Samazi watu 4,286, Kipanga watu 2,454, Kipwa watu 1,432, Kapare watu 1,659, kilewani watu 3,342, Muzi watu 2,051 na Kijiji cha Kasanga chenye watu 3,303. Katika mpango wa kuunganisha Mkoa wa Rukwa - Tanzania na Jamhuri ya Kidemokrasia ya Congo Serikali ya Jamhuri ya Muungano wa Tanzania inajenga barabara ya lami kuelekea Kasanga na kuna mpango pia wa kupanua bandari ya kasanga ili kuwezesha meli kubwa kuweza kufanya safari zake kati ya DRC na Tanzania. mpango huo unaikuza Kasanga katika nyanja za ukuaji kimji na kuboresha biashara ya samaki ambayo ndiyo biashara kubwa kwa uchumi wa Kasanga na maeneo ya Jirani ya vijiji vya Muzi, Kawala na Kapozwa. kasanga pia inakuwa ni mlango kukuza utalii kwa Bismarck na maporomoko ya Kalambo yaliyoko Kapozwa umbali wa kilomita 36 kwa barabara kutoka Kasanga. Maporomoko ya Kalambo yamekuwa maarufu sana kwa upande wa Zambia na hivi sasa kuna mpango thabiti kuyafanya yafikike na kutangazwa kwa upande wa Tanzania. kwa hivi sasa kasanga kumejengwa soko la samaki ambalo kwa lugha ya waligharimia ujenzi huo linaitwa soko la kimataifa la samaki Kasanga. kuna mpango wa kufunga vyumba baridi vya kuhifadhia samaki. Kasanga na Muzi vijiji vilivyo jirani vitanufaika sana na mpango wa kuunganisha DRC na Tanzania kwa njia ya bandari na mizigo mingi itapita njia hii. Uchumi wa eneo hili utakuwa kwa kasi kutokana na kufunguka kwa biashara kati ya nchi hizi mbili. Kasanga iko umbali kilomita 67 kutoka makao makuu ya Wilaya ya Kalambo ambayo yanajengwa katika mji mdogo wa Matai


Wakati wa koloni ya Afrika ya Mashariki ya Kijerumani Kasanga iliitwa "Bismarcksburg" (kwa heshima ya chansela Mjerumani Otto von Bismarck). 1913 Bismarckburg ilipandishwa cheo kuwa makao makuu ya mkoa wa 12 wa koloni ikawa mji mkuu wa mkoa mkubwa wa pili katika Afrika ya Mashariki ya Kijerumani iliyojumlisha maeneo ya Ufipa, Ukonongo, Ugala na Uwende.

Baada ya vita kuu ya kwanza ya dunia jina la Kijerumani lilibadilishwa na Waingereza kuwa Kasanga.

Kuna mipango ya kuboresha bandari ya Kasanga na kuiunganisha na barabara ya lami.

Flag-map of Tanzania.svg Makala hii kuhusu maeneo ya Mkoa wa Rukwa bado ni mbegu.
Je unajua kitu kuhusu Kasanga (Ufipa) kama historia yake, biashara, taasisi zilizopo, watu au utamaduni?
Labda unaona habari katika wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.
Flag of Tanzania.svg Kata za Wilaya ya Sumbawanga VijijiniMkoa wa Rukwa - Tanzania Flag of Tanzania.svg

Ilemba | Kaengesa | Kalambanzite | Kaoze | Kipeta | Laela | Lusaka | Mfinga | Miangalua | Milepa | Mpui | Msanda | Mtowisa | Muze | Sandulula