Hifadhi ya Tarangire

Kutoka Wikipedia, kamusi elezo huru
Pundamilia ndani ya hifadhi ya Tarangire.

Hifadhi ya Taifa ya Tarangire inapatikana katika mkoa wa Manyara ikiwa na ukubwa wa kilometa za mraba 2850. Iko umbali wa kilometa 200 Kusini Magharibi mwa mji wa Arusha nchini Tanzania.

Hifadhi hii ni maarufu kwa makundi makubwa ya tembo kuliko hifadhi nyingine nchini Tanzania. Unaweza kuona kundi la tembo zaidi ya mia tano kwa mara moja. Hifadhi hii pia ina mandhari nzuri ya kuvutia inayotokana na maumbile ya mibuyu inayosadikiwa kuwa na umri wa zaidi ya miaka elfu nane. [1][2]

Wanyama wa aina nyingi wanaopatikana ndani ya hifadhi hii ni pamoja na punda milia, nyumbu, swala, simba, nyati, kongoni, chui, duma na wengine wengi pamoja na aina 550 za ndege.[3]

Hifadhi hii ni maarufu katika ukanda wa kaskazini mwa Tanzania kutokana na wageni wengi, kutoka ndani na nje ya nchi kwani hupenda kutembelea hifadhi hii. Umaarufu mwingine wa hifadhi hii ni pamoja ya aina ya chatu walio na uwezo wa kukwea miti.

Kutokana na umaarufu huo idadi ya wageni wanaotembelea hifadhi imekuwa ikiongezeka mwaka hadi mwaka. Unaweza kutembelea hifadhi hii wakati wote wa mwaka na kuwaona wanyama wote bila matatizo kutokana na mazingira mazuri ya hifadhi yanayosaidiwa na Mto Tarangire unaokatiza katikati ya hifadhi.

Hifadhi ya taifa ya Tarangire imepakana na mto wenye chemchemi nyingi za maji ijulikanayo kwa jina la Kimasai 'engidara' huko mashariki mwa hifadhi hiyo katika kijiji cha Loiborsoit 'A' yaani "Kijiji cha Mawe Meupe", kilichopo kata ya Emboret, wilaya ya Simanjiro.

Tazama pia[hariri | hariri chanzo]

Tanbihi[hariri | hariri chanzo]

  1. The official site of the Tanzania National Parks - Tarangire National Park. web.archive.org (2015-12-28). Jalada kutoka ya awali juu ya 2015-12-28. Iliwekwa mnamo 2020-02-23.
  2. The official site of the Tanzania National Parks - Corporate Information. web.archive.org (2015-12-20). Jalada kutoka ya awali juu ya 2015-12-20. Iliwekwa mnamo 2020-02-23.
  3. Birding Tarangire – Birds of Tarangire National Park (en). SafariBookings.com. Iliwekwa mnamo 2020-02-23.

Viungo vya nje[hariri | hariri chanzo]

Makala hii kuhusu maeneo ya Mkoa wa Manyara bado ni mbegu.
Je unajua kitu kuhusu Hifadhi ya Tarangire kama historia yake, biashara, taasisi zilizopo, watu au utamaduni?
Labda unaona habari katika wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.


Usitaje majina ya madiwani na viongozi au maafisa wengine wa sasa maana wanabadilika haraka mno.