Jamhuri ya Kidemokrasia ya Kongo

République Démocratique du Congo
Jamhuri ya Kidemokrasia ya Kongo

Bendera Nembo
Wito la taifa: Justice - Paix - Travail (Kifaransa: "Haki - Amani - Kazi")
Wimbo wa taifa: Debout Congolais
Mji mkuu	Kinshasa 4°24′ S 15°24′ E
Mji mkubwa kushinda  miji mingine yote	Kinshasa
Lugha rasmi	Kifaransa (Kingala, Kikongo, Kiswahili, Kiluba ni lugha ya taifa)
Serikali • Rais	Serikali ya mseto Joseph Kabila
Uhuru  - Tarehe	Kutoka Ubelgiji 30 Juni 1960
Eneo  - Jumla  - Maji (%)	2,345,410 km² (12th) 3.3%
Idadi ya watu  - 2006 kadiriwa  - 1938 census  - Msongamano wa watu	62,660,551 (20th) 10,217,408 24/km² (182nd)
Fedha	Congolese franc (CDF)
Saa za eneo  - Kiangazi (DST)	CET, EET (UTC+1 na +2) - (UTC+1 na +2)
Intaneti TLD	.cd
Kodi ya simu	+243

Jamhuri ya Kidemokrasia ya Kongo (au Kongo-Kinshasa) ni nchi iliyoko Afrika ya Kati; kwa ukubwa wa eneo ni ya pili barani Afrika. Ni tofauti na nchi jirani ya Jamhuri ya Kongo. Kati ya 1971 na 1997 nchi iliitwa "Zaire".

République démocratique du Congo

Jiografia

Nchi imepakana na Jamhuri ya Kongo, Jamhuri ya Afrika ya Kati, Sudan Kusini, Uganda, Rwanda, Burundi, Tanzania, Zambia na Angola. Ina sehemu ndogo iliyopakana na pwani ya Bahari ya Atlantiki. Sehemu hiyo inatenganisha eneo la Cabinda kutoka maeneo mengine ya Jamhuri ya Angola.

Historia

Nchi jinsi ilivyo ilianzishwa kama koloni la Kongo ya Kibelgiji. Jina la Kongo lahusiana na mto Kongo unaopitia nchi yote na pia Ufalme wa Kongo uliopatikana zamani katika sehemu za magharibi za Angola na Kongo ya leo.

Upande wa kusini, kuanzia karne ya 17, kulikuwa na ufalme ulioitwa Dola la Kazembe.

Kati ya 27 Oktoba 1971 na 17 Mei 1997 nchi ilijulikana kwa jina la "Zaire".

Bandundu Bas-Zaire Équateur Kasaï Magharibi Kasaï Mashariki Shaba Kinshasa Maniema Kivu Kaskazini Gemene Kivu Kusini Lualaba ni mkoa mpya wa Mashariki ya Congo-Zaire

Mikoa

Nchi imegawiwa kwa mikoa 11. Katiba mpya ilitarajia ugawaji kwa majimbo mapya 25 lakini kanuni hii haikutekelezwa na wakati wa Januari 2011 raisi alitangaza ya kwamba mipango ya ugawaji mpya imefutwa.

Lugha

Maeneo ya lugha kuu za Kongo

Kifaransa ni lugha rasmi ya Jamhuri ya Kidemokrasia ya Kongo. Ilikuwa lugha ya utawala ya koloni ikaendelea kutumiwa kama lugha isiyoelekea upande wowote kati ya makabila, lugha na tamaduni za nchi hii. Lugha ya Kiholanzi iliyotumiwa na Wabelgiji pamoja na Kifaransa katika utawala haiko tena.

Kwa jumla kuna takriban lugha 242 zinazozungumzwa nchini (angalia orodha ya lugha). Lugha 4 zinatambuliwa kama lugha za kitaifa ambazo ni Kikongo (Kituba), Kingala, Kiluba (Tshiluba) na Kiswahili.

Kingala kilikuwa lugha rasmi ya jeshi la kikoloni liloitwa "Force Publique" chini ya utawala wa Ubelgiji likaendelea kuwa lugha ya jeshi la jamhuri baada ya uhuru.

Tangu mapinduzi ya 1997 sehemu za jeshi hasa katika mashariki hutumia pia Kiswahili.

Wakati wa ukoloni lugha nne za kitaifa ziliwahi kutumiwa kieneo katika shule za msingi.

Takriban watu 24,320,000 wanatumia Kifaransa kama lugha ya kwanza au ya pili.

Dini

Wananchi karibu wote wanajihesabu Wakristo wa madhehebu mbalimbali; asilimia 50 hivi ni Wakatoliki.

Viungo vya nje

• Uchaguzi wa kwanza wa kidemokrasia baada ya miongo minne
• Habari za Jamhuri ya Kidemokrasia ya Kongo toka BBC

Makala hii kuhusu maeneo ya Jamhuri ya Kidemokrasia ya Kongo bado ni mbegu. Je unajua kitu kuhusu Jamhuri ya Kidemokrasia ya Kongo kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.