Bratislava

Kutoka Wikipedia, kamusi elezo huru
Rukia: urambazaji, tafuta
Bratislava wakati wa usiku
Bendera ya Bratislava
Mahali pa Bratislava nchini Slovakia

Bratislava ni mji mkuu wa Slovakia mwenye wakazi 450,000. Majina mengine ya kihistoria ya mji huu ilikuwa Pressburg (Kijerumani) au Pozsony (Kihungaria). Iko kando la mto Danubi.

Ishara ya mji ni boma la Bratislava lililosimama tangu karne za kati.

Jiografia[hariri | hariri chanzo]

Bratislava iko kwenye mpaka wa kusini-magharibi ya Slovakia karibu na Austria na Hungaria si mbali na mpaka wa Ucheki.

Uwanja Kuu re in the Old Town

Historia[hariri | hariri chanzo]

Eneo la mji lilikaliwa tangu milenia nyingi. Kiini cha mji wa leo kilikuwa boma la Bratislava lililojulikana tangu mwaka 805 BK.

Utawala wa eneo la mji ulibadilika mara kadhaa lakini tangu 907 mji ulikuwa sehemu ya ufalme wa Hungaria hadi mwaka 1918. Kati ya 1524 hadi 1830 ulikuwa mji mkuu wa Hungaria. Wakazi wake walikuwa hasa Wajerumani na Wahungaria pamoja na Waslovakia.

Baada ya Vita Kuu ya Kwanza ya Dunia eneo la mji liliingizwa katika nchi mpya ya Chekoslovakia jina likabadilishwa kuwa Bratislava. Mji ukawa mji mkuu wa sehemu ya Kislovakia ya nchi.

Wakati wa Vita Kuu ya Pili ya Dunia na tena baada ya kuachana kwa Chekoslovakia mwaka 1993 Bratislava imekuwa mji mkuu wa Slovakia.

Barabara kuu ya kitaifa D1 kando la Bratislava

Biashara[hariri | hariri chanzo]

Bratislava ni mji wa viwanda kuna viwanda vya motokaa, kemia, mashine na vifaa vya stima.

Usafiri[hariri | hariri chanzo]

Mji ni njiapanda ya barabara kuu pia ya reli. Usafiri kwa maji hutumia bandari ya Bratislava kwenye mto Danubi. Kuna pia Uwanja wa Ndege wa kimataifa.

Usafiri wa mjini ni kwa mabasi, reli za barabarani na mabasi ya umeme.

Picha za Bratislava[hariri | hariri chanzo]

External links[hariri | hariri chanzo]

Commons-logo.svg
Wikimedia Commons ina media kuhusu:
Europa Mapa.png Makala hii kuhusu maeneo ya Ulaya bado ni mbegu.
Je unajua kitu kuhusu Bratislava kama historia yake, biashara, taasisi zilizopo, watu au utamaduni?
Labda unaona habari katika wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.