Awilo Longomba

Kutoka Wikipedia, kamusi elezo huru
Rukia: urambazaji, tafuta

Awilo Longomba ni mwanamuziki wa Kongo ambaye alikuwa mpiga ngoma katika bendi za Viva la Musica, Stukas, Nouvelle Generation na Loketo. Mwaka wa 1995, hatimaye aliacha kupiga ngoma na kuamua kuimba na alitoa albamu yake ya kwanza, Moto Pamba, baada ya kupata msaada kutoka Shimita, Ballou Canta, Dindo Yogo, Dally Kimoko, Sam Mangwana, Syran Mbenza na Rigo Star.

CD yake ya pili, Coupe Bibamba (mwaka wa 1998) ilimfanya ajulikana kote barani Afrika, Ulaya na Amerika. Hii ilifuatiwa na Kafou Kafou (mwaka wa 2001) na albamu yake ya hivi karibuni, Mondongo (mwaka wa 2004), ambayo inawashirikisha Japponais, Dally Kimoko, Caen Madoka, Djudjuchet, Josky na Simaro Lutumba. Pia alishirikishwa kama atalaku (mtu wa kutumbuiza) katika baadhi ya rekodi za soukous.

Awilo kwa sasa anaishi nchini Ufaransa na ana uhusiano wa kimapenzi na mwanamuziki Barbara Kanam.

Jamaa ya Awilo katika sekta ya muziki ni pamoja na baba yake Victor Longomba mwanachama mwanzilishi wa TP OK Jazz na vilevile Longombas ambalo ni kundi maarufu la afro-fusion lenye makao nchini Kenya.

Mnamo mwaka wa 2008 Awilo Longomba alitoa albamu mpya, SUPER-MAN, ambayo ilikuwa fanikio nyingine kubwa. Awilo aliendelea na umaarufu wake nchini Marekani / Kanada huku akiwa katika ziara pamoja na Nabtry International Cultural Dancers (kundi la kitamaduni la kimataifa la kusakata au kucheza ngoma) kundi ya Kiafrika ya kucheza ngoma iliyoanzishwa mwaka wa 2007 na Grace Haukwa. Ziara ya SUPER-MAN ilikuwa yenye mafanikio makuu miaka za 2008 na 2009. Kutokana na kura za umaarufu na ushindi wa kihistoria katika Tuzo za Reggae ya Kimataifa na Muziki wa ulimwengu huku nchi zaidi ya 120 zikipiga kura, albamu mpya ya Awilo, SUPER-MAN, ilishinda TUZO LA MTUMBUIZAJI BORA WA SOUKOUS WA MWAKA WA 2009. Mkurugenzi Mtendaji na mwanzilishi wa Nabtry GRACE HAUKWA ambaye anamwakilisha Awilo nchini USA alikuwepo kupokea tuzo hilo kwa niaba ya Awilo katika sherehe ya Tuzo za Reggae ya Kimataifa na Muziki wa ulimwengu.

Marejeo[hariri | hariri chanzo]

http://www.martinsinterculture.com/irawma-winners.html http://nabtry.skyrock.com http://awilolongombaofficiel.hi5.com http://myspace.com/awilolongombaofficiel


Viungo vya nje[hariri | hariri chanzo]